સમય મારો સાધજે વ્હાલા,
કરું હું તો કાલાવાલા
અંત સમય મારો આવશે જયારે,
નહિ રહે દેહનું ભાન ભાન (૨ વાર)
એવે સમય મુખે ભક્તિ દેજો,
દેજો ભક્તિ નું ગાન (૨ વાર)
સમય મારો…
જીભલડી મારી પરવશ બનશે જો,
હારી બેસું હું ભાન (૨ વાર)
એ રે સમયે મારી વ્હારે ચઢીને,
રાખજે તારું નામ નામ (૨ વાર)
સમય મારો…
કંઠ રુધાશે ને નાડીઓ તૂટશે,
તૂટશે જીવનદોર દોર (૨ વાર)
એ રે સમય મારા અલબેલાજી,
દેજો દર્શન નો લાભ (૨ વાર)
સમય મારો…
આંખલડી મારી પાવન કરજો ને
દેજો એક જ ધામ (૨ વાર)
અરિહંત તારી ઝાંખી કરીને,
ભક્તો છોડે પ્રાણ પ્રાણ (૨ વાર)
સમય મારો…