Ekj Arman Che Mane Lyrics in Gujarati । એક જ અરમાન છે મને લિરિક્સ ગુજરાતીમાં
એક જ અરમાન છે મને
મારું જીવન સુગંધી બને... ꠶ટેક
ફૂલડાં બનું કે ભલે ધૂપસળી થાઉં
આશા છે પૂજાની સામગ્રી થાઉં
ભલે કાયા આ રાખ થઈ શમે... ꠶ ૧
તડકા છાયા કે વાય વર્ષાના વાયરા
તોયે કુસુમો કદી ન કરમાયા
ઘાવ ખીલતાં ખીલતાંય ખમે... ꠶ ૨
જગની ખારાશ બધી ઉરમાં સમાવે
તોયે સાગર મીઠી વર્ષા વરસાવે
સદા ભરતી ને ઓટમાં રમે... ꠶ ૩
વાતાવરણમાં સુગંધ ન સમાતી
જેમ જેમ સુખડ ઓરસિયે ઘસાતી
પ્રભુ કાજે ઘસાવું ગમે... ꠶ ૪
ગૌરવ મહાન છે પ્રભુ કાર્ય કેરું
ના જગમાં કાર્ય કોઈ એથી અદકેરું
માર્ગ તેથી પ્રભુનો ગમે... ꠶ ૫